மாணவிகளுக்கு போதை ஊசி போட்டதாக திண்டுக்கல் அருகே பள்ளி ஆசிரியர் கைது செய்யப்பட்டுள்ளார்.

திண்டுக்கல் மாவட்டம் ஆத்தூர் அருகே நவமரத்துப்பட்டியில் உள்ளது முத்துலட்சுமி அம்மாள்-ரெங்கசாமி ரெட்டியார் அரசு மகளிர் மேல்நிலைப் பள்ளி.

இங்கு அமலோற்பவநாதன் என்பவர் கணித ஆசிரியராகப் பணிபுரிந்து வருகிறார். அவர் அக்குபஞ்சர் முறையில் சிகிச்சை அளிப்பதற்கான பயிற்சியையும் மேற்கொண்டு வந்தாராம்.

8ம் வகுப்பு மாணவிகள் சிலருக்கு, அதிக மதிப்பெண்களைப் பெற்றுத்தரும் மேஜிக் ஊசி என்று கூறி இவர் போதை ஊசியைப் போட்டு வந்ததாகக் கூறப்படுகிறது. இந்த ஊசியைப் போட்டுக் கொள்ளும் மாணவியருக்கு, தேர்வில் அதிக மதிப்பெண்களையும் வழங்கினாராம்.

இவ்வாறு ஊசி போட்டுக் கொண்ட மாணவி ஒருவருக்கு திடீரென மயக்கம் ஏற்பட்வே அவர் தனது பெற்றோரிடம் ஊசி போட்டுக் கொண்டதை தெரிவித்துள்ளார்.

இதையடுத்து மாணவியின் பெற்றோர் தலைமை ஆசிரியரிடம் புகார் தெரிவித்தனர். இதைத் தொடர்ந்து அவரிடம் தலைமை ஆசிரியர் விசாரணை நடத்தினார்.

அப்போது அமலோற்பவநாதன், நான் யாருக்கும் போதை ஊசி ஏதும் போடவில்லை, அக்குபஞ்சர் முறையில் சிகிச்சை தான் தந்தேன் என்றார்.

ஆனாலும் மேற்கொண்டு பிரச்சனை உருவாவதைத் தடுக்க அமலோற்பவநாதனை வேறு பள்ளிக்கு மாற்ற முடிவு செய்து அவரது மனைவி பிரிசில்லாவை பள்ளிக்கு வரவழைத்துள்ளனர் பள்ளி நிர்வாகிகள்.

இதற்கிடையே போதை ஊசி விவரம் கிராமம் முழுவதும் பரவவே மக்கள் பள்ளியை முற்றுகையிட்டு வகுப்பறைகளில் உள்ள மேஜை, நாற்காலி மற்றும் மின் விளக்குகளை அடித்து நொறுக்கினர்.

தகவலறிந்த போலீஸார் விரைந்து வந்து அமலோற்பவநாதனையும் அவரது மனைவியையும் ஒரு வகுப்பறைக்குள் பாதுகாப்பாக வைத்துவிட்டு மக்களிடம் சமாதானப் பேச்சு நடத்தினார் மாவட்ட எஸ்பி சின்னச்சாமி.

ஆனாலும் ஆத்திரம் அகலாத பொதுமக்கள் அறைக் கதவை உடைத்துக் கொண்டு ஆசிரியரையும் மனைவியையும் தாக்க முயன்றனர். இதையடுத்து பள்ளிக்கு விடுமுறை அளிக்கப்பட்டு மாணவிகள் வெளியேற்றப்பட்டனர்.

இதையடுத்து அமலோற்பவநாதனை போலீசார் கைது செய்தனர். இதைத் தொடர்ந்தே மக்கள் அமைதியாயினர்.

மேலும் அமலோற்பவநாதனை பணியிடை நீக்கம் செய்து கல்வித்துறை உத்தரவிட்டுள்ளது.

—-

காலம் எங்கே போகிறது என்று கேட்டுக் கொண்டு இருக்காமல், இது போன்ற செயல்களை முற்றிலும் நிறுத்த என்ன செய்ய வேண்டும் என்பதை யோசிக்க வேண்டும். அப்போதுதான் இனிமேல் இதுபோன்ற அவலங்கள் இனி அரங்கேறாது.

1. உங்கள் மானிட்டரில் முக்கியமான ஏதேனும் ஒரு ஃபைலையோ, கோடையோ (code) திறந்து வைத்துவிட்டு ஏதோ யோசிப்பது போல அதையே பார்த்துக் கொண்டிருங்கள். பார்ப்பவர்கள் நீங்கள் பிஸியாக இருப்பதாக நினைத்துக் கொள்வார்கள்.

2. அடிக்கடி நெற்றியை சொறிந்து கொள்ளவும். அவ்வப்போது பற்களைக் கடித்துக் கொள்ளவும். ஏதாவது ரெண்டு வார்த்தை டைப் செய்துவிட்டு யோசிப்பது போல் பாவ்லா காட்டவும்.

3. கம்ப்யூட்டர் மவுஸை உபயோகிக்காமல் கீ போர்டு ஷார்ட் கட் கீ-க்களை உபயோகித்தால் பிஸியாக, வேகமாக வேலை செய்வது போலத் தோன்றும்.

4. அடிக்கடி கம்ப்யூட்டரை முறைத்து அல்லது வெறித்துப் பார்க்கவும். கூடவே நகத்தையும் கடித்து வையுங்கள்.

5. சீட்டில் சாய்ந்து உட்காராமல் முன்னால் இழுத்து விட்டு சில நிமிடங்களுக்கு சீட் நுனியில் உட்கார்ந்து டைப் அடிக்கவும்.

6. அவ்வப்போது பேப்பர் ஃபைல்களை கலைத்துவிட்டு பெருமூச்சு விடுங்கள். நீங்கள் எதையோ தேடுவதாக நினைத்துக் கொள்வார்கள். கடைசியில் ஏதாவது ஒரு பேப்பரை எடுத்து சிரித்தபடியே “எஸ்….” என்றோ அல்லது “சக்சஸ்” என்றோ சொல்லுங்கள்.

7. எங்காவது எழுந்து போகும்போது மிக வேகமாக நடந்து போங்கள். ஏதோ முக்கியமான விஷயத்துக்காகப் போகிறீர்கள் என மற்றவர்கள் நினைத்துக் கொள்வார்கள்.

8. கைகளைப் பிசைந்து கொள்ளுங்கள், கைவிரல்களில் சொடக்கு எடுத்து விடுங்கள். அவ்வப்போது டென்ஷனாக டேபிளில் ஒரு தட்டு தட்டுங்கள்.

9. உங்கள் மானிட்டரின் அருகில் எப்போதும் ஒரு நோட்டுப் புத்தகத்தையும் பேனாவையும் திறந்தே வையுங்கள். அதில் ஏதாவது ஒன்றிரண்டு வார்த்தைகளையும், நம்பர்களையும் கிறுக்கிக் கொண்டிருங்கள்.

10. எங்கே போனாலும் கையில் ஒரு நோட்டுப் புத்தகத்தை எடுத்துச் செல்லுங்கள். நீங்கள் முக்கியமான மீட்டிங்குக்கோ, விவாதத்துக்கோ குறிப்பு எடுக்கச் செல்கிறீர்கள் என நினைப்பார்கள்.

11. ஆபீஸில் நடந்து செல்கையில் எதிர்படுபவர்கள் சொல்லும் ஹாய், ஹலோவுக்கு பதில் சொல்லாமல் கடந்து செல்லுங்கள், பிறகு பிஸியாக இருந்தேன், ஸாரி என்று சொல்லிக்கொள்ளலாம்.

12. சரியாக காபி வரும் நேரத்தில் எங்காவது எழுந்து போய் விடுங்கள். கொஞ்ச நேரம் கழித்து வந்து ஹவுஸ் கீப்பிங்கில் காபி கேளுங்கள். மீட்டிங் போயிருந்தேன் என்று புருடா விடுங்கள்.

13. உங்கள் டெஸ்க்டாப்பில் நான்கைந்து அப்ளிகேஷன்களையோ, பைல்களையோ திறந்து வையுங்கள். அவ்வப்போது அவற்றை ஓபன் செய்வது, குளோஸ் செய்வது, மாற்றிக்கொண்டிருப்பது என ஏதாவது செய்து கொண்டேயிருங்கள்.

14. செல்போனை வைப்ரேட்டரில் / சைலண்டில் போட்டு விட்டு யாரிடமோ போன் பேசுவது போல பேசிக்கொண்டிருங்கள். சீரியஸாக முகத்தை வைத்துக்கொண்டு குறுக்கும் நெடுக்கும் நடங்கள்.

15. கான்ஃபரன்ஸ் ஹால் ஃப்ரீயாக இருந்தால் (உங்களைப் போலவே வெட்டியாக இருக்கும்) உங்கள் டீம் மெம்பர்களை கூட்டிப்போய் ஏதாவது டிஸ்கஸ் செய்யுங்கள். போர்டில் ஏதாவது மார்க்கரால் சார்ட் படம் போட்டு விட்டு வாருங்கள்.

16. முதலில் வரும் காபியைக்குடிக்காதீர்கள். அப்படியே ஆற விட்டுவிடுங்கள். மறுபடியும் கேட்டு வாங்கிக்கொள்ளலாம். கொஞ்சம் பிஸியாக இருந்ததால் காபி குடிக்க முடியவில்லை என (மற்றவர் காதில்) விழும்படி சொல்லுங்கள்.

17. (வீட்டில் ஏதும் வேலை இல்லையென்றால்) ஆபீஸிலேயே டியூட்டி நேரம் தாண்டி கொஞ்ச நேரம் ஸ்ட்ரெட்ச் செய்து இருந்து விட்டுப்போங்கள். ஆனால் அந்த அகால நேரத்தில் பெருந்தலைகள் யார் கண்ணிலாவது பட வேண்டியது ரொம்ப முக்கியம்.

18. இதையெல்லாம் மீறி உண்மையாகவே ஏதாவது நல்ல விஷயம் செய்தீர்கள் என்றால் அதை மற்றவர்களிடம் சந்தோஷமாக அறிவியுங்கள். நம் பெருமையை நாமே பேசாவிட்டால் நமக்காக யார் பேசுவார்கள்?

ஒரு இணையதளத்தில் நான் கண்டது.

மும்பை மீது பயங்கரவாதத் தாக்குதல் நடத்திய அஜ்மல் கஸாப் உள்ளிட்ட பயங்கரவாதிகள் கடல் வழியாக இந்தியாவுக்கு வந்தனர் என்று பாகிஸ்தான் உள்துறை அமைச்சகம் வெளியிட்ட தகவலை ஏற்றுக்கொள்வதாக அந்நாட்டு கடற்படை திடீரென தெரிவித்துள்ளது.

இதுதொடர்பாக பாகிஸ்தான் கடற்படை வெளியிடப்பட்டுள்ள அறிக்கையில், ” மும்பைத் தாக்குதலுக்காக பயங்கரவாதிகள் பயன்படுத்திய கடல் வழித்தடம் குறித்து தங்களிடம் எந்தவித ஆதாரமும் இல்லை. அதற்கான ஆதாரங்கள் அனைத்தும் உள்துறை அமைச்சகத்திடம்தான் உள்ளது.

எனவே, இவ்விவகாரத்தில் உள்துறை அமைச்சகம் ஏற்கனவே வெளியிட்ட தகவலை பாகிஸ்தான் கடற்படையும் ஏற்றுக்கொள்வகிறது ” என்று தெரிவிக்கப்பட்டுள்ளது.

முன்னதாக கராச்சியிலிருந்து படகு மூலம் கஸாப் மும்பை வந்தடைந்ததாக அந்நாட்டு உள்துறை அமைச்சகம் ஏற்கனவே அறிவித்திருந்த நிலையில், கடல் வழியாக பயங்கரவாதிகள் இந்தியா வந்ததற்கு ஆதாரம் எதுவும் இல்லை என கடற்படைத் தளபதி அட்மிரல் நோமன் பஷீர்  கூறியிருந்தது பரபரப்பை ஏற்படுத்தியது குறிப்பிடத்தக்கது.
நன்றி – யாஹூ

சிறைச்சாலை. …

தவறு செய்த மனிதர்களை நல்வழிப் படுத்துகிற இடம்.
இதுதான் இதுவரை நாம் அறிந்த உண்மை.

ஆனால், வேறு ஒன்றும் உள்ளது.

ஒரு முறை சிறை அனுபவத்தை உணர்ந்தவர்கள் இனி அங்கு செல்வதை நெனைக்க மாட்டார்கள். இதனை நேற்றுதான் (15-02-2009) நான் உணர்ந்தேன்.

சென்னை சென்ட்ரல் எதிரே உள்ள பழைய மத்திய சிறைச்சாலையை நேற்றுத்தான் கண்டேன்.

கைதிகளாக உள்ளே செல்வோர் வெளியில் வரும்போது திருந்தி மனிதர்களாக வருவார்கள் என்பது, சிறையை கண்டபோது உணர முடிந்தது.

சிறைச்சாலைகள் இப்படி இருந்தால்தான் குற்றவாளிகளின் எண்ணிக்கை குறையும்.

அதனால் எனது வேண்டுகோள்,

தயவு செய்து, இந்த சிறைச்சாலையை இடித்து விடக்கூடாது . நிச்சயம் அதனை எல்லோரும் காண வேண்டும். தவறு செய்தால் எப்படி சிறைவாசம் இருக்கும் என்பதை உணர வேண்டும்.

இதுவே தெருவோரபித்தனின் அவா..

 சத்யம் தலைமைச் செயல் அலுவலராக பதவியேற்ற இரண்டாவது நாளே பெரிய புகாரில் சிக்கிக் கொண்டுள்ளார் ஏஎஸ் மூர்த்தி.

சத்யம் நிறுவனத்தை இவ்வளவு பெரிய இக்கட்டில் தள்ளிவிட்ட அதன் நிறுவனர் ராமலிங்க ராஜு, மோசடிகளை ஒப்புக் கொண்டு சரணடைவதற்கு சில தினங்களுக்கு முன்புதான் ஏஎஸ் மூர்த்தி தனக்கு சொந்தமான 40 ஆயிரம் பங்குகளை நல்ல விலைக்கு விற்று பணத்தை பத்திரப்படுத்தியிருக்கிறார்.

அப்படியானால் சத்யம் ராஜுவின் மோசடி இவருக்கு முன் கூட்டியே தெரியுமா… இவருக்கும் அதில் பங்கிருக்கிறதா? என விசாரணை அதிகாரிகள் கேள்வி எழுப்பி வருகின்றனர்.

இந்தப் பங்குகளை விற்கும்போது, சத்யம் நிறுவனத்தின் வெளிநாட்டுப் பிரிவுக்கு தலைவராக இருந்தார் மூர்த்தி.

மூர்த்தியின் இந்த பங்குகள் விற்பனை குறித்து இப்போது சத்யம் ராஜுவை விசாரித்து வரும் செபி அமைப்புதான் தகவல் வெளியிட்டுள்ளது.

கடந்த டிசம்பர் 12-ம் தேதி 7000 பங்குகள் (ரூ.220.75), டிசம்பர் 15-ம் தேதி 14 ஆயிரம் பங்குகள் (ரூ.220.40) மற்றும் டிசம்பர் 16-ம் தேதி 19 ஆயிரம் பங்குகளை (ரூ.226.50) விற்றுள்ளார் மூர்த்தி. இவரைப் போலவே இன்னும் சில மூத்த அதிகாரிகளும் அந்தத் தேதிகளில் அதிக அளவு பங்குகளை விற்றுள்ளனர்.

இதுகுறித்து கருத்து தெரிவித்துள்ள மூர்த்தி, என் சொந்தக் காரணங்களுக்காக விற்கப்பட்ட பங்குகள் அவை. மற்றபடி வேறு எந்த விஷயத்திலும் என்னைத் தொடர்புபடுத்தாதீர்கள், என்கிறார். ஆனால் டிசம்பர் 16-ம் தேதிதான் மேடாஸ் நிறுவனத்தை வாங்கப்போவதாக ராஜு அறிவித்தார் என்பது குறிப்பிடத்தக்கது.

தனது பதவியை ராஜினாமா செய்து ராஜு எழுதிய கடிதத்தில், இந்த மோசடிகளுக்கும் மூர்த்தி உள்ளிட்ட சத்யம் நி்றுவன ஊழியர்களுக்கும் எந்த தொடர்பும் இல்லை என்று குறிப்பிட்டிருந்தது நினைவிருக்கலாம்.

மைனாம்பதி மர்மம்:

சத்யம் நிறுவனம் சிக்கலுக்கு உள்ளாவதை முன்கூட்டியே தெரிந்து கொண்டு பங்குகளை விற்று பணம் பார்த்தவர்கள் லிஸ்டில் முதலில் இடம் பெற்ற பெயர் ராம் மைனாம்பதி. ராஜுவுக்குப் பின் இடைக்கால தலைமைச் செயலர் அலுவலராக இருந்தவர். இவர் கடந்த ஜூனிலேயே 25 ஆயிரம் பங்குகளை தலா ரூ.480-க்கு விற்று பெரிய அளவில் லாபம் பார்த்துவிட்டார். அப்போதே சத்யம் குட்டு வெளிப்படும் சூழ்நிலை வந்ததாம். ஆனால் தற்காலிகமாக தள்ளிப் போட்டுவிட்டார்களாம் ராஜு பிரதர்ஸ்.

இப்போது மைனாம்பதி குறித்த எந்த தகவல்களும் கிடையாது. விசாரணை அதிகாரிகளும் அவர் இருக்குமிடம் குறித்து எதுவும் தகவல் வெளியிடாமல் மௌனம் காக்கிறார்கள்.

ராஜு சகோதரர்களுடன் கம்பி எண்ணிக்கொண்டுள்ள சத்யம் சிஎப்ஓவான சீனிவாஸ் வட்லாமணி, 92,358 பங்குகளை செப்டம்பர் மாதமே விற்றுள்ளார்.

சொத்துக்களை அடமானமாகத் தந்தது சத்யம்:

இதற்கிடையே, இந்தியாவின் பல்வேறு அரசுடைமை வங்கிகள் சத்யத்துக்கு வழங்குவதாக அறிவித்த ரூ.600 கோடி நிதியுதவிக்கு பிணையமாக தனது அசையா சொத்துக்களான நிலங்கள் மற்றும் கட்டடங்களை தருவதாக அறிவித்துள்ளது சத்யம்.

நன்றி – தட்ஸ் தமிழ்

இலங்கையின் நிலை குறித்து புதினம் இணையத்தில் வெளிவந்த தகவல் இதோ உங்கள் பார்வைக்கு…..

இது இந்தியாவின் போர்; சிறிலங்கா ஒரு பொம்மை மட்டுமே.

இந்தப் போர் ஒரு முடிவுக்கு வருவதற்கு இந்தியா விடப்போவதே இல்லை: அதாவது, சிறிலங்கா விரும்பினாலும் கூட இந்தப் போர் நிற்கப் போவதில்லை.

இந்தியப் படை அதிகாரிகள் – வன்னிப் போர் முனையில் – வெறுமனே பிரதான கட்டளை மையங்களில் மட்டுமன்றி – நேரடியான போர்ச் செயற்பாடுகளிலேயே ஈடுபடுகின்றனர்.

இந்திய உளவு வானூர்திகள் புலிகளின் கட்டுப்பாட்டுப் பிரதேசத்தை 24 மணி நேரமும் கண்காணித்தபடியே உள்ளன.

இந்திய கடற் கண்காணிப்பு கதுவீ (Radar) கருவிகள் வங்காள வரிகுடாவை 24 மணித்தியாலமும் கண்காணித்த வண்ணம் உள்ளன.

இந்தியாவின் கண்களுக்கு தப்பி ஒரு மீன்பிடிப் படகு கூட அங்கு நீந்த முடியாது.

இந்தத் தகவல்கள் எல்லாமே விடுதலைப் புலிகளுக்குத் தெளிவாகத் தெரிந்திருப்பினும் கூட – அரசியல் இராஜதந்திர நோக்கங்கள் கருதி – சில விடயங்களை வெளிப்படையாகச் சொல்ல முடியாதவர்களாக அவர்கள் உள்ளனர்.

ஒரு புறத்தில் போரை நடத்திக்கொண்டு – மறுபுறத்தில், அனைத்துலக நாடுகளிடம் இருந்து வரக்கூடிய அழுத்தங்கள் எல்லாவற்றையும் முறியடிப்பதற்கான இராஜதந்திர ஆலோசனைகளையும் சிறிலங்காவுக்கு வழங்குகின்றது இந்தியா.

பொருளாதாரம் சீரழிந்து சிறிலங்கா வீழ்ந்தாலும், அதனை முட்டுக்கொடுத்து தூக்கிவிட்டு – இந்தியா இந்தப் போரை நடத்தும்.

ஆட்பலம் குறைந்து சிங்களப் படை தவித்தாலும், தன் படைகளை இந்தியா போருக்கு அனுப்பும்.

பிண மலையாகத் தமிழர்கள் வன்னியில் குவிந்தாலும் சரி, முத்துக்குமாரர்களாக “சாஸ்திரி பவன்” முற்றத்தில் தமிழர்கள் எரிந்தாலும் சரி – அன்னை சோனியாவின் ஆன்மா கரையப் போவதில்லை.

தமிழ்த் தேசிய எழுச்சித் தீயை அணைத்து அடக்கும் வரை – காங்கிரசின் இந்திய வல்லாதிக்கம் ஓயப்போவதில்லை.

பிரபாகரனின் சவப்பெட்டியில் கடைசி ஆணியை அடிக்கும் வரை – சோனியா காந்தி நிம்மதியாக தூங்கப் போவதில்லை.

என்றோ இறந்து போன ராஜீவ் காந்திக்காக – நேற்றும் இன்றும் நாளைக்கும், இனி என்றும் தமிழர்களைப் பழி தீர்த்துக்கொண்டே இருக்கப் போகின்றது காங்கிரசின் இந்தியா.

சிவ்சங்கர் மேனனையும், பிரணாப் முகர்ஜியையும், தமிழ்நாட்டு மக்கள் கொடுத்த உணவு மூட்டைகளையும் சிறிலங்காவுக்கு பகிரங்கமாக அனுப்பி - மற்ற நாட்டுக்காரர்களைத் தள்ளி நிற்க வைத்து விட்டது இந்தியா.

நோர்வேயின் எரிக் சொல்கெய்ம் – மிக அண்மையில் – புலிகளிடம் நேரடியாகவே சொல்லிவிட்டார், “இப்போது எமது கையில் எதுவுமே இல்லை”, என்று.

உலகத் தமிழர்களே! இது எமக்குரிய நேரம்: இதுவே தான் எமக்கான நேரம்!

எமக்காக எழுந்துவிட்ட ஏழு கோடி தமிழகத் தமிழர்களுடன் சேர்ந்து – உலகத் தமிழர்கள் நாம் – எம்மைப் பழி தீர்க்க முனையும் இந்தியாவின் இந்த குரூர வெறிக்கு ஒரேயடியாக முடிவு கட்ட வேண்டும்.

ஊரில் நடைபெறும் நிகழ்வுகளின் செய்திகளைப் பார்த்து, கொதிப்படைந்து – ஏதாவது செய்தாக வேண்டும் என்ற உணர்வுப் பெருக்கோடு எதையாவது செய்து கொண்டிருக்கின்றோம்.

உலகு எங்கும் – கவனயீர்ப்பு நிகழ்வுகள் செய்து, ஆர்ப்பாட்டப் பேரணிகள் வைத்து, மனுக்கடிதங்கள் எழுதி, மனிதச் சங்கிலிகள் பிடித்து – எங்கள் கோபத்தையும், ஆதங்கத்தையும் பிழையான இடங்களின் மீது நாம் காட்டிக்கொண்டிருக்கின்றோம்.

சிறிலங்கா அரசின் மீது அழுத்தம் போட்டு தமிழர் இனப் படுகொலையைத் தடுத்து நிறுத்தமாறு உலக நாடுகளையும், ஐக்கிய நாடுகள் சபையையும் நாம் வேண்டுகின்றோம்.

ஆனால் – தமிழர் இனப் படுகொலையை நிகழ்த்துவது சிறிலங்கா அல்ல; அது இந்தியாவே என்பதை நாம் உணர வேண்டும்.

சிறிலங்கா இப்போது வெறும் பொம்மை மட்டுமே; இது இந்தியா இயக்கும் போர் என்பது எல்லோருக்குமே தெரியும்.

இப்போதுள்ள சூழலில் – தென்னாசியாவில், இந்தியாவை மீறி எதுவுமே நடக்கப்போவதில்லை.

மேற்குலக நாடுகள் என்றாலும் சரி, ஐக்கிய நாடுகள் சபை என்றாலும் சரி -

ஆகவும் மிஞ்சிப் போனால் – எமது ஆய்க்கினை தாங்காமல் – ஒரு அறிக்கையை விடுவார்கள்; கவலை தெரிவிப்பார்கள். அதற்கு மேல் அவர்கள் எதுவுமே செய்ய மாட்டார்கள்; அவர்களால் எதுவும் செய்யவும் இயலாது.

இந்தியா, இந்தியா மற்றும் இந்தியாவே எல்லாம்.

“வெள்ளை மாளிகை” முன்றலிலும், “டவுணிங் ஸ்ட்றீட்”டிலும், ஒட்டாவாவின் வீதிகளிலும் மற்றும் மேற்குலகின் சாலைகளிலும் நாம் நடத்தும் பேரணிகள் உண்மையில் அந்தந்த நாடுகளின் அரசுகளுக்குச் சங்கடங்களையே ஏற்படுத்தும்.

எம் மீது ஒரு வகையான சினத்தைக்கூட – அந்தந்த நாட்டு அரசுகளினதும், அந்தந்த  நாட்டு மக்களினதும் மனங்களில் – உருவாக்கப் பார்க்கும். ஒரு வகையில் – தேவையற்ற பகை உணர்வைக்கூட, அது தமிழர்களுக்கும், மேற்குலகிற்கும் இடையில் ஏற்படுத்தும்.

மேற்குலக அரசுகளின் ஆதரவு பின்னால் எமக்கு தேவை: இப்போது, எதுவும் செய்ய முடியாத சூழலில் அவர்கள் இருக்கும் போது – அவர்களைச் சங்கடப்படுத்துவது நமக்கு நன்மையைச் செய்யாது; அது அழகும் அல்ல.

எனவே – அளவுக்கு அதிகமான தொந்தரவைக் கொடுக்காமல் ஓரு தூர நோக்கப் பார்வையோடு மேற்குலகை நாம் விட்டுவைக்க வேண்டும்.

இப்போது -

எமது துடிப்பு – சக்தி – கவனம் எதனையும் வேறு இடங்கள் நோக்கிச் சிதற விடாமல் – எல்லாவற்றையும் இந்தியாவை நோக்கியே நாம் செலுத்த வேண்டும்.

உலகத் தமிழர்களின் பொங்கும் உணர்வு எழுச்சியைப் பல திசைகளிலும் பரவ விட்டு, எல்லா இடங்களிலும், எல்லாவற்றையும் செய்துகொண்டிருக்காமல் -

அதை ஒருங்கே குவித்து – சரியான இலக்கை நோக்கி நகர வைக்க வேண்டிய பொறுப்பு அந்தந்த நாடுகளிலுள்ள தமிழ் செயற்பாட்டாளர்களின் கைகளிலேயே இப்போது உள்ளது.

அந்த சரியான இலக்கு – இந்தியா.

என்றுமில்லாத அளவுக்கு பேரெழுச்சி கொண்டுள்ள தமிழக மக்களுக்குப் பின்னால் உலகத் தமிழர்கள் உடனேயே அணிதிரள வேண்டும். எமக்காகப் போராடும் அவர்களோடு நாம் ஒன்றிணைய வேண்டும்.

விடுதலைப் புலிகளின் கோலாகலமான ஒரு போர் வெற்றிக்காக இரண்டு வருடங்கள் நாம் காத்திருந்தோம்: எதுவுமே நடக்கவில்லை; நடக்க இந்தியா விடவில்லை.

இப்போது – காங்கிரஸ் ஆட்சியின் கேவலமான ஒரு வீழ்ச்சிக்காக நான்கு மாதங்கள் காத்திருக்க எமக்கு அவகாசம் எதுவும் இல்லை; அதன் பிறகு கூட ஏதாவது நடக்கும் என்பதற்கு எந்த உத்தரவதமும் இல்லை.

உலகு எங்கும் உள்ள இந்தியத் தூதரகங்களை நாம் இப்போதே முற்றுகைக்கு உள்ளாக்க வேண்டும்.

தொடர்ச்சியாக – இடைவிடாமல் – ஒருங்கு திரட்டப்பட்ட செயல் வீச்சோடு – அதை நாம் பல்லாயிரக்கணக்கில் திரண்டு செய்ய வேண்டும்.

லண்டன் நகர வீதிகளில், ஒரு லட்சம் பேர், ஒரே நாளில் திரண்டு பிரித்தானிய மக்களின் அன்றாட வாழ்வுக்குச் சிரமங்கள் தருவதைத் தவிர்த்து விட்டு – லண்டனில் உள்ள இந்தியத் தூதரகத்தை 5 ஆயிரம் பேராக ஒரு சுழற்சி முறையில் 20 நாட்களுக்கு முற்றுகையிட வேண்டும்.

அதேபோல – ரொறான்ரோ நகர வீதிகளில், 80 ஆயிரம் பேர், ஒரே நாளில் திரண்டு கனடிய மக்களின் அன்றாட வாழ்வுக்கு அலுப்புத் தருவதைத் தவிர்த்து விட்டு – கனடாவுக்கான இந்தியத் தூதரகத்தை 4 ஆயிரமாக ஒரு சுழற்சி முறையில் 20 நாட்களுக்கு முற்றுகையிட வேண்டும்.

இதே போல ஒவ்வொரு நாடுகளிலும் செய்ய வேண்டும்.

தமிழர் பிரச்சினை தவிர வேறு எதைப் பற்றியுமே சிந்திக்க முடியாத – நாளாந்த அலுவல்களில் சிரத்தை காட்ட முடியாத – செயலிழப்பு நிலைமைக்கு வெளிநாட்டு இந்தியத் தூதரகங்களை நாம் உள்ளாக்க வேண்டும்.

எமது இடைவிடாத முற்றுகைகள் மூலம் – தூதரக அதிகாரிகளையும், தூதுவர்களையும் செயற்பட முடியாத அளவு எரிச்சலுக்கும், சினத்திற்கும் உள்ளாக்க வேண்டும்.

தமது தூதரகங்களுக்கே சென்றுவர முடியாதுள்ள – தமது பணிகளை ஆற்ற முடியாதுள்ள தமது கையாலாகாத்தனத்தை அவர்கள் டெல்லித் தலைமைக்கு முறையிட வைக்க வேண்டும்.

தமிழ் இனத்தைப் படுகொலை செய்து அழிக்கும் போரின் சூத்திரதாரி சிறிலங்கா அல்ல; இந்தியா தான் என்பதை இந்த உலகின் முற்றத்தில் நாம் ஓங்கி ஒலிக்க வேண்டும்.

இந்தியா நடத்தும் இந்தப் படுகொலைப் போரின் பழியை இந்தியாவின் தலையிலேயே நாம் சுமத்த வேண்டும்.

ஓரு பழம்பெரும் இனத்தை அழிக்கும் நாடு என்ற அவமான வெட்கத்தை இந்தியாவின் முகத்தில் நாம் பூச வேண்டும்.

அதனை நோக்கியே எமது செயற்பாடுகள் யாவும் அமைய வேண்டும்.

உண்மையில் – மேற்குலகத் தலைவர்களுக்கும், கொள்கை வகுப்பாளர்களுக்கும் நாம் நேரடியாக எதனைமே சொல்ல வேண்டியதில்லை:

உலகு எங்கும் உள்ள இந்தியத் தூதரகங்கள் முன்னால் பல்லாயிரக்கணக்கில் திரண்டு நாம் நடத்தும் முற்றுகைப் போராட்டமே – சொல்ல வேண்டிய செய்தியை அந்தந்த நாட்டுத் தலைவர்களுக்குச் சொல்லும்.

படுகொலைப் பழியை இந்தியா மீது சுமத்தி – இந்தியாவை கூனிக்குறுக வைத்து – தமிழர்களின் விடயத்தில் இந்தியாவின் விருப்பத்தை மீறிய முடிவுகளை எடுக்கும் சூழலுக்குள் மேற்குலக நாடுகளை நாம் நிர்ப்பந்திக்க வேண்டும்.

மேற்குலக நாடுகளை அவ்வாறான முடிவுகளை எடுக்க வைப்பதன் மூலம் – சோனியா காந்தியின் குரூர விருப்பங்களை மீறிய முடிவுகளை எடுக்கும் சூழலுக்குள் காங்கிரஸ் தலைமையை நாம் நிர்ப்பந்திக்க வேண்டும்.

நாம் தெளிவாக இருப்போம் -

சிறிலங்கா அல்ல, இந்தியாவே தமிழர்களின் எதிரி. அதனையே நாம் இலக்கு வைக்க வேண்டும். மேற்குலக நாடுகளையும், அதன் தலைவர்களையும் நோக்கி எமது கவனத்தையும், சக்தியையும் சிதறவிடாமல் – இந்தியாவை நோக்கியே எமது எண்ணங்களையும், செயல்களையும் நாம் ஒருங்கு குவிக்க வேண்டும்.

ஒரேயடியாக – இந்தப் பிரச்சினைக்கு ஒரேயடியாக முடிவு கட்ட வேண்டும்.

இந்தியாவை நோக்கிய எமது செய்தி – உலகம் முழுவதிலும் – ஒன்றாகவே இருக்க வேண்டும்:

 தமிழீழ விடுதலைப் புலிகள் மீதான தடையை நீக்கு!
 தமிழீழ விடுதலைப் போராட்டத்தை அங்கீகரி!
 சிறிலங்காவுக்கான போர் உதவிகள் அனைத்தையும் நிறுத்து!

ஓவ்வொரு நாளும் 15 தமிழர்கள் சாகின்றனர். ஓய்ந்திருந்து யோசிக்க எமக்கு நேரமில்லை. அவர்களையும், எம் தேசத்தையும் காக்கும் வழியும் எமக்குத் தெரிகின்றது.

சர்வதேச நிதி குளறுபடிகளால் உற்பத்தித் துறைகளில் தேக்கம் ஏற்பட்டு உலக அளவில் வேலைவாய்ப்புகள் பறி போய்க் கொண்டிருந்தாலும் கூட இன்னொரு பக்கம் இந்தியாவில் இன்சூரன்ஸ், மருந்து தயாரிப்பு நிறுவனங்கள் மற்றும் சில ஐடி நிறுவனங்களும் விரிவாக்கப் பணிகளில் ஈடுபட்டுள்ளன.

இதன் மூலம் இந்தத் துறைகளில் ஆயிரக்கணக்கான புதிய வேலைவாய்ப்புகள் உருவாகவுள்ளன.

மெட்லைப், மேக்ஸ் நியூயார்க் லைப், டாடா ஏஐஜி, பாரதி ஏஎஸ்ஏ, அவிவா ஆகிய இன்சூரன்ஸ் நிறுவனங்கள் அடு்த்த சில மாதங்களில் தங்களது ஊழியர்களின் எண்ணிக்கையை 50 சதவீதம் வரை உயர்த்த திட்டமிட்டுள்ளன.

இதன்மூலம் 3 லட்சம் புதிய வேலைவாய்ப்புகள் உருவாகும் என கணக்கிடப்பட்டுள்ளது.

இதுவரை எல்ஐசி மட்டுமே கொடி கட்டிப் பறந்து வந்த இந்தத் துறையில் தனியார் நிறுவனங்கள் மிக வலுவாகவே காலூன்றி வருகின்றன. இன்சூரன்ஸ் துறையில் தனியார் நிறுவனங்களின் வளர்ச்சி கடந்த சில ஆண்டுகளில் 42 சதவீதத்தை எட்டியுள்ளது.

நிதி நெருக்கடியான சூழலிலும் எதிர்கால பாதுகாப்பு கருதி காப்பீட்டில் முதலீடு செய்வது குறையாது என இந்த நிறுவனங்கள் கருதுகின்றன. மாறாக எதிர்காலம் குறித்த ஸ்திரமற்ற சூழலால் காப்பீடுகளில் மக்கள் முதலீடு செய்வது அதிகரித்து வருவதும் தெரியவந்துள்ளது.

இதையடுத்து மேலும் கோடிக்கணக்கான மக்களை காப்பீட்டுத் திட்டங்களின் கீழ் கொண்டு வர இந்த நிறுவனங்கள் முடிவு செய்துள்ளன. இதற்காக தங்களது நிறுவனங்களை விரிவாக்கவுள்ளன.

இந்த வகையில் தான் இந்தத் துறையில் லட்சக்கணக்கான புதிய வேலைவாய்ப்புகள் உருவாகவுள்ளன.

அதே போல இந்தியாவின் முன்னணி ஐடி நிறுவனங்களும் ஊழியர்கள் சேர்ப்பதைக் கைவிடப் போவதில்லை என அறிவித்துள்ளன. குறி்ப்பாக டாடா கன்சன்டல்சி நிறுவனம் இந்த ஆண்டு 48,000 பேரை சேர்க்கவுள்ளதாக திட்டவட்டமாக அறிவித்துள்ளது.

இதில் 35,000 பேரை நேரடியாகவும், 12,500 பேரை சிட்டி பேங்கின் சிட்டி குரூப் குளோபல் சர்வீஸஸ் பிரிவில் இருந்தும் சேர்க்கவுள்ளது. இந்தப் பிரிவை சமீபத்தில் டிசிஎஸ் வாங்கியது குறிப்பிடத்தக்கது.

இன்போசி்ஸ் நிறுவனமும் மேலும் 18,700 பேரை சேர்க்கவுள்ளதாக அறிவித்துள்ளது.

சத்யம் சாப்ட்வேர் நிறுவனம் முன்பு திட்டமிட்டபடி 15,000 பேருக்குப் பதிலாக 8,000 பேரை மட்டும் புதியாக பணியில் சேர்க்கவுள்ளது.

கேப் ஜெமினி நிறுவனம் தனது ஊழியர் எண்ணிக்கை இந்த நிதியாண்டில் ஊழியர்களின் எண்ணிக்கையை 21,000 ஆக உயர்த்தவுள்ளதாக அறிவித்துள்ளது. இதி்ல் 25 முதல் 35 சதவீதம் வரை புதிதாக சேர்க்கப்படவுள்ள ஊழியர்கள் ஆவர்.

இதற்கிடையே வெளிநாட்டு மருந்து தயாரிப்பு நிறுவனங்கள் தங்களது இந்தியக் கிளைகளை விரிவாக்க திட்டமிட்டுள்ளன. இந்தியாவில் மருந்துத் தயாரிப்புப் பணிகளில் அதிக அளவில் பணம் மிச்சமாவதாலும் மிகச் சிறந்த நிபுணர்கள், ஊழியர்கள் கிடைப்பதாலும் இந்த முடிவுக்கு வந்துள்ளன.

அமெரிக்காவின் மெர்க், பிஷர், கிளாஸ்கோ ஸ்மித்கிளைன், பிரிட்டனின் ஜிஎஸ்கே பார்மா, ஸ்விஸ் நாட்டின் நோவார்டிஸ் ஆகியவை புதிய மருந்துகளைத் தயாரிக்கும் திட்டங்களுடன் உள்ளன. இதன்மூலம் இந்த நிறுவனங்கள் சுமார் 3,000 வேலைவாய்ப்புகளை உருவாக்கவுள்ளன.

இத்தனைக்கும் பிஷர் நிறுவனம் உலகம் முழுவதும் தனது 10,000 ஊழியர்களை வீட்டுக்கு அனுப்பிக் கொண்டுள்ளது. இந்தியாவில் மட்டுமே புதிதாக ஊழியர்களை சேர்க்கவுள்ளது.

நன்றி – தட்ஸ் தமிழ்

கடவுளின் சொந்த நாடு என புகழப்படும் கேரளா, ஆல்கஹாலில் மூழ்கி வருகிறதாம். அபாயகரமான அளவுக்கு கேரளாவில் குடிப்பழக்கம் அதிகரித்து வருவதாக ஆய்வு ஒன்று தெரிவிக்கிறது.

நாட்டிலேயே அதிக அளவில் கல்வியறிவு கொண்ட மாநிலம் கேரளா. இயற்கை எழில் கொஞ்சும் கேரளாவில், எழுத்தறிவு, படிப்பறிவு, இலக்கியம், கலை என பல விஷயங்களும் சிறப்பாக உள்ளன. கூடவே மதுப் பழக்கமும் தலை விரித்தாடுகிறது.

கேரள மக்களை குடிப்பழக்கம் மிக மிக மோசமான நிலைக்குக் கொண்டு செல்வதாக சமீபத்தில் நடத்தப்பட்ட பொருளாதார ஆய்வு தெரிவிக்கிறது. மாநில சட்டசபையில் இந்த ஆய்வறிக்கை பார்வைக்கு வைக்கப்பட்டது.

உலகிலேயே அதிக அளவில் குடிப்பழக்கம் கொண்டவர்கள் நிறைந்த மாநிலமாக கேரளா உருவெடுத்துள்ளதாக அந்த ஆய்வறிக்கையில் தெரிவிக்கப்பட்டுள்ளது.

உலகின் பிற பகுதிகளில் தனி நபர் ஒருவரின் சராசரி மது அருந்தும் பழக்கம் 4 லிட்டராக உள்ளது. ஆனால் இது கேரளாவில் 8.3 லிட்டராக உள்ளது.

கேரள மாநில மதுக் கழக கடைகளின் முன்பு எப்போதும் ஜே ஜே என கூட்டம் நிரம்பிக் காணப்படுகிறது. நீண்ட வரிசையில் நின்று மது அருந்தும் பழக்கம் மலையாளிகளிடம் அதிக அளவில் உள்ளதாக அந்த ஆய்வறிக்கையில் தெரிவிக்கப்பட்டுள்ளது.

இந்த ஆய்வில் தெரிய வந்துள்ள இன்னொரு அதிர்ச்சித் தகவல் என்னவென்றால், பெண்களும் கூட கணிசமான அளவில் மது அருந்த ஆரம்பித்துள்ளனர் என்பதுதான். மேலும் இளைஞர்கள் மத்தியில் குடிப் பழக்கம் வேகமாக அதிகரித்து வருகிறதாம்.

புகை பிடிக்கும் பழக்கத்தை விட்டு விட்டு குடிப்பழக்கத்திற்கு ஏராளமான இளைஞர்கள் மாறி வருகிறார்களாம்.

மது விற்பனையிலும், குடிப் பழக்கத்திலும் பஞ்சாபை 2வது இடத்திற்குத் தள்ளி விட்டு முதலிடத்தைப் பிடித்துள்ளது கேரளா.

கேரள மாநில மது விற்பனைக் கழகத்தின் நிர்வாக இயக்குநர் சங்கர் ரெட்டி இதுகுறித்துக் கூறுகையில், கடந்த சில ஆண்டுகளில் இந்தியாவில் தயாரிக்கப்படும் வெளிநாட்டு மது மற்றும் பீர் விற்பனை கிடுகிடுவென உயர்ந்துள்ளது. கடந்த 6 மாதங்களில் மட்டும் 31 சதவீதம் விற்பனை அதிகரித்துள்ளது.

நடப்பு நிதியாண்டில் மது விற்பனை மூலம் ரூ. 1000 கோடி அளவுக்கு வருவாய் கிடைக்கும் என எதிர்பார்த்தோம். ஆனால் கடந்த ஏப்ரல் முதல் அக்டோபர் மாதம் வரையிலான விற்பனையே ரூ. 2,642.18 கோடியாக உயர்ந்து விட்டது. கடந்த நிதியாண்டில் மொத்த விற்பனையே ரூ. 2,019 கோடியாகத்தான் இருந்தது. எனவே நடப்பு நிதியாண்டில் மது விற்பனை அளவு ரூ. 4,700 கோடியைத் தாண்டும் என எதிர்பார்க்கிறோம்.

பீர் மட்டுமல்லாது அனைத்து மது வகைகளையும் கேரள ஆண்களும், பெண்களும் பெருமளவில் விரும்புகின்றனர். செப்டம்பர் மாதம் வரை 33.14 லட்சம் கேஸ் பீர்கள் விற்பனையாகியுள்ளன. இது கடந்த ஆண்டு இதே காலகட்டத்தில் 26.83 லட்சம் கேஸ் ஆக இருந்தது.

இந்தியாவில் தயாரிக்கப்படும் வெளிநாட்டு மது வகைகளின் விற்பனை இதே காலகட்டத்தில் 87.40 லட்சம் கேஸ்களாக இருந்தன. இது கடந்த ஆண்டு 69.75 லட்சம் கேஸ்களாக இருந்தன.

1987-88ம் ஆண்டில் வெளிநாட்டு மது வகைகளின் விற்பனை வருவாய் வெறும் ரூ. 81.42 கோடியாக இருந்தது. ஆனால் 2007-08ம் ஆண்டில் இதன் அளவு ரூ. 3,669.49 கோடியாக உயர்ந்தது. நடப்பு நிதியாண்டில் இது ரூ. 4,700 கோடியாக உயரும் எனத் தெரிகிறது.

மது அருந்துவோரின் பொது விருப்ப பானமாக ரம் உள்ளது. மொத்த விற்பனையில் 62 சதவீதம் ரம் தான் விற்பனையாகிறது. பிராந்தி விற்பனையின் அளவு 32 சதவீதமாகும்.

ஓனம் மற்றும் கிறிஸ்துமஸ் பண்டிகைகளின்போதுதான் விற்பனை பெருமளவில் அதிகரிக்கிறது.

‘மப்பில்’ எர்ணாகுளம் நம்பர் ஒன்!

மது அருந்துவதில் கேரளாவிலேயே எர்ணாகுளம் மாவட்டம்தான் நம்பர் ஒன் இடத்தில் உள்ளது.

இதைத் தொடர்ந்து திருவனந்தபுரம், கொல்லம், திருச்சூர் ஆகியவை உள்ளன. இடுக்கிதான் குறைந்த அளவில் மது அருந்துவோரைக் கொண்ட மாவட்டமாகும்.

கேரள மது விற்பனைக் கழகம் முதலில் 300 கடைகளைத் திறந்தது. தற்போது இது 330 கடைகளாக உயர்ந்துள்ளது. மேலும் நிறைய கடைகளைத் திறக்க வேண்டும் என மக்களிடமிருந்து கோரிக்கைகள் வந்தவண்ணம் உள்ளது என்றார் அவர்.

மது விற்பனை மூலம் கேரள மது விற்பனைக் கழகம் மூலம் மட்டும் கேரள அரசுக்கு ரூ. 2,914.28 கோடி வருவாய் கிடைத்துள்ளதாம். இதுதவிர பார் உரிமம் மூலம் மேலும் பல கோடி ரூபாய் கொட்டுகிறதாம்.

கேரளாவில் மது விற்பனையும், குடிப் பழக்கமும் படு வேகமாக அதிகரித்து வருவதால் மதுவுக்கு எதிரான பிரசாரத்தில் ஈடுபட்டுள்ளோர் பெரும் கவலையில் மூழ்கியுள்ளனர். ஆனால் கேரளாவோ வேகமாக ஆல்கஹாலில் மூழ்கி வருகிது.

நன்றி – தட்ஸ் தமிழ்

 மாலத்தீவு கடற்பகுதியில் கடல் நீரின் மட்டம் வேகமாக உயர்ந்து வருவதால்,அருகாமை நாடு ஒன்றில் நிலம் வாங்கி அங்கு மக்களை இடம் பெயரச் செய்ய மாலத்தீவு அரசு திட்டமிட்டுள்ளது. இருப்பினும் இந்தியாவில் நிலம் வாங்கும் திட்டம் அந்த நாட்டு அரசிடம் இல்லை என தெரிவிக்கப்பட்டுள்ளது.

உலக வெப்பமயாக்கலின் விளைவாக உலகம் முழுவதும் கடல் நீரின் மட்டம் வேகமாக உயர்ந்து வருகிறது. பனி மலைகள் உருகுவதால் கடல் நீரின் மட்டம் உயர்ந்து வருகிறது.

இதனால்,மாலத்தீவு உள்ளிட்ட பல தீவுப் பகுதிகள் கடலில் மூழ்கும் அபாயம் உள்ளது. குறிப்பாக மாலத்தீவு இன்னும் 50 ஆண்டுகளில் மூழ்கி விடும் என விஞ்ஞானிகள் எச்சரித்துள்ளனர்.

இதனால் இந்தியாவில் நிலத்தை குத்தகை அடிப்படையில் வாங்கி அங்கு மாலத்தீவு மக்களை குடியமர்த்தும் திட்டம் அந்த நாட்டு அரசிடம் இருப்பதாக தகவல்கள் வெளியாகின.

இருப்பினும் இப்போதைக்கு அந்தத் திட்டம் எதுவும் இல்லை என்று மாலத்தீவுகளின் புதிய அதிபராக பொறுப்பேற்றுள்ள முகம்மது நஷீத் தெரிவித்துள்ளதாக மாலத்தீவுக்கான இந்திய தூதர் அரவிந்த் குமார் பாண்டே தெரிவித்துள்ளார்.

இதுகுறித்து அவர் கூறுகையில், இப்போதுதான் முகம்மது நஷீத் அதிபராகியுள்ளார். மாலத்தீவுக்கு அருகில் உள்ள ஏதாவது ஒரு நாட்டில் நிலத்தை வாங்கி அங்கு மாலத்தீவு மக்களை குடியமர்த்த அவர் தீர்மானித்துள்ளார். இருப்பினும் அவர்களது பட்டியலில் இந்தியா இல்லை என்றார்.

சமீபத்தில் நஷீத்தின் செய்தித் தொடர்பாளர் இப்ராகிம் ஹூசேன் ஜகி அளித்த ஒரு பேட்டியில், அருகில் உள்ள ஏதாவது நாட்டில் நிலத்தை வாங்கி அங்கு மாலத்தீவு மக்களை குடியமர்த்தும் திட்டம் உள்ளதாக தெரிவித்திருந்தார். இது மிகவும் அவசரமான, அவசியமான ஒரு நடவடிக்கை என்றும் அவர் கூறியிருந்தார் என்பது நினைவிருக்கலாம்.

உலகிலேயே மிகவும் குட்டி நாடு மாலத்தீவுதான். இந்தத் தீவின் உயரமான பகுதியே, கடல் மட்டத்திலிருந்து 2 மீட்டர் உயரத்தில்தான் உள்ளது என்பது குறிப்பிடத்தக்கது.

இந்தியக் கடல் பகுதியில் ஆண்டுக்கு 60 சென்டிமீட்டர் அளவுக்கு கடல் நீர் மட்டம் உயர்ந்து வருவதாக ஐ.நா. மதிப்பிட்டுள்ளது.

நன்றி – தட்ஸ் தமிழ்

சீட் தரும் கட்சியுடன் கூட்டணி அமைப்போம். அரசியலில் எதுவும் நடக்கலாம். அதிமுக கூட்டணி குறித்து இதுவே எனது பதில் என்று அகில இந்திய நாடாளும் மக்கள் கட்சித் தலைவர் நடிகர் கார்த்திக் கூறியுள்ளார்.

மதுரையில் செய்தியாளர்களிடம் கார்த்திக் பேசுகையில், கூட்டணிக்கு வரும்படி எல்லா தரப்பினரிடமிருந்தும் நெருக்கடி வருகிறது.கட்சிகளுக்குள் கூட்டணி அவசியம். அ.தி.மு.க.,வுடன் கூட்டணி  அமைவது குறித்து அரசியலில் எதுவும் நடக்கலாம் என்பது என்  பதில். இதுகுறித்து பேச்சுவார்த்தை நடந்ததா? என கூற முடியாது.

சீட் கொடுக்கும் கட்சியுடன் கூட்டணி வைப்பேன். தேர்தல் எப்போது  வந்தாலும் அதனை சந்திக்க தயார். தனி ஒரு கட்சி பெரும்பான்மை  பெற்று ஆட்சியில் அமர்ந்தாலும் ஆபத்து.

சரத்குமார், விஜயகாந்த் சிறப்பாக செயல்படுகின்றனர். கூட்டணி வைக்க மாட்டேன் என விஜயகாந்த் கூற அவருக்கு உரிமையுள்ளது. என்னை யாரும் பின்னால் இருந்து இயக்கவில்லை.

பார்வர்ட் பிளாக் கட்சியில் உறுப்பினர் சேர்க்கைக்கு கூட மேலிடத்தை கேட்க வேண்டியிருந்தது. அத்தகைய தவறுகள் நிகழாத வகையில் அகில இந்திய நாடாளும் மக்கள் கட்சி செயல்படும்.

முத்துராமலிங்கத்தேவர், மூக்கையாத்தேவர் பெயர்களை சொல்லி பார்வர்ட் பிளாக் தலைவர்கள் மக்களை ஏமாற்றுகின்றனர். தற்போது மக்கள் அந்த கட்சியில் இல்லை. அவர்கள் அ.இ.நா.ம.,கட்சிக்கு வந்து விட்டனர்.

தமிழகத்தில் பல பிரச்னைகள் இருப்பது உண்மை. அப்பிரச்னைகளை தீர்க்க நல்ல காரியங்களை அரசு செய்வதும் உண்மை. அதன் பயன் மக்களை சென்றடையவில்லை என்பதும் உண்மை.

அணு சக்தி ஒப்பந்தத்தை நிறைவேற்றுவது அவசியம். அதனை நிறைவேற்ற விடாமல் மத்திய அரசின் கூட்டணியில் உள்ள கம்யூனிஸ்ட்கள், பார்வர்ட் பிளாக் போன்றவை மிரட்டுவதை ஏற்க முடியாது என்றார் கார்த்திக்.

நன்றி – தட்ஸ் தமிழ்